कारागारमै कैदी मृत्यु

सिन्धुली । सिन्धुलीको कारागारमा एक कैदी बन्दीको मृत्यु भएको छ । सिन्धुलीमाडीस्थित जिल्ला कारागारमा एक जना कैदी बन्दीको मृत्यु भएको हो । तिहारमा कारगारमा रहेका कैदी बन्दीहरुसंग बेलुकी देउसी खेलेर सुतेका विमल मगर एक्कासी बिरामी भएर सिन्धुली अस्पताल लगिएकोमा चिकित्सकले मृत घोषणा गरेका थिए ।

मगरको मृत्युको सम्बन्धमा थप अनुसन्धान भइरहेको प्रहरीले जनाएको छ । दुधौंली नगरपालिका– १० निवासी ज्ञानबहादुर मगरका २७ वर्षीय छोरा विमल मगरको बुधबार राती सिन्धुली कारागारमा मृत्यु भएको प्रहरीले जनाएको छ ।