- २ भाद्र २०८३, मंगलवार / Aug 18, 2026
काठमाडौं । आज राष्ट्रपति विद्यादेवी भण्डारीले संघीय संसदमा सम्बोधन गर्दैछिन् । राष्ट्रिय सभा र प्रतिनिधि सभाको संयुक्त बैठकमा राष्ट्रपति भण्डारीले सम्बोधन गर्ने संघीय संसद सचिवालयले जनाएको छ ।
संयुक्त बैठकलाई दिउँसो तीन बजे सम्बोधन गर्ने तय भएको छ । कार्यकाल सकिन लागेको अवस्थामा राष्ट्रपति भण्डारीले सम्बोधन गर्न लागेकी हुन ।
फागुन २८ गते उनको कार्यकाल सकिदै छ । भण्डारीको यो दोस्रो कार्यकाल हो । संवैधानिक व्यवस्था अनुसार एकै व्यक्ति दुई पटकभन्दा बढी राष्ट्रपति हुने व्यवस्था छैन ।
फागुन २८ गते राष्ट्रपतिको कार्यकाल सकिने भएकोले त्यसअघि २५ गते नै राष्ट्रपति निर्वाचनको मिति तय गरिएको र त्यसका लागि तयारी थालिएको निर्वाचन आयोगले जनाएको छ ।
राष्ट्रपतिको सम्बोधनपछि संसद बैठकमा प्रधानमन्त्री पुष्पकमल दाहाला प्रचण्डले सम्बोधनको प्रति टेबल गर्ने कार्यक्रम छ ।
