के थियो त्यस्तो जहाँ छोरी रेणुसँगै पुगे प्रचण्ड इन्द्रदेव

चितवन । नेकपा (माओवादी केन्द्र)का अध्यक्ष ‘प्रचण्ड’ छोरी रेणुसंगै नारायणगढको इन्द्रदेव चलचित्र भवनमा पुगे । भरतपुर महानगरपालिकाकी प्रमुख रेणु दाहालसँग फिल्म हेर्न उनी त्यहाँ पुगेका हुन ।

छोरीसँगै प्रचण्डले ६ः०९ बजेको शो हेरेका हुन । इन्द्रदेव चलचित्र भवनमा ‘प्रेमगीत ३’ हेर्नका लागि उनीसंगै तछाडमछाड गर्न कार्यकर्तालाई हम्मे हम्मे परेको थियो ।

चलचित्र हेर्न लायक भन्दै प्रचण्डले चलचित्रमा कलाकारले आआफ्नो जिम्मेवारी र भूमिका राम्रोसँग प्रस्तुत गरेको बताए ।

नेपालीले बनाएको चलचित्र सबैतिर प्रचार गर्न लायक भएको भन्दै नेपाली चलचित्र क्षेत्रको विकासमा महत्त्वपूर्ण टेवा पुग्नेमा विश्वास व्यक्त गरे ।