केन्द्रीय सदस्य अनिवार्य उपस्थित हुन दलित मुक्ति मोर्चाको अनुरोध

काठमाडौं । नेपाल दलित मुक्ति मोर्चाले जेठ २७ गते बस्ने बैठकमा अनिवार्य उपस्थित हुन केन्द्रीय सदस्यलाई अनुरोध गरेको छ । छैटौं राष्ट्रिय सम्मेलनबाट नवनिर्वाचित सम्पुर्ण केन्द्रीय सदस्यहरुलाई अनिवार्य उपस्थिति हुन आग्रह गरेको मोर्चाका अध्यक्ष दलजित शेर्पालीले बताए ।

नेकपा माओवादी केन्द्र निकट नेपाल दलित मुक्ति मोर्चाको वैशाख २३ र २४ गते सम्पन्न छैटौं राष्ट्रिय महाधिवेशनबाट शेर्पाली अध्यक्षमा चयन भएका हुन् । पूर्व खेलकुदमन्त्री समेत भइसकेका शेर्पाली दोस्रो कार्यकाल दलित मुक्ति मोर्चाको अध्यक्ष चयन भएका हुन् ।

दोस्रो संविधान सभा (२०७०) को चुनावमा शेर्पाली समानुपातिक सांसद भएपछि मन्त्री हुने अवसर पाएका थिए । शेर्पालीको अध्यक्षमा १ सय ९९ सदस्यीय केन्द्रीय कमिटी चयन भएको छ ।