- २१ कार्तिक २०८३, शनिबार / Nov 7, 2026
काठमाडौं । राष्ट्रिय टिमको बन्द प्रशिक्षणका लागि नेपाल क्रिकेट संघ (क्यान) लेपाँच खेलाडी थप गरेको छ । कप्तान ज्ञानेन्द्र मल्लसहित तीन खेलाडीलाई कोरोना संक्रमण भएपछि क्यानले बुधबार पाँच खेलाडी थप गरेको हो । क्यानले रित गौतम, अनिल शाह, कुशल भुर्तेल, बिक्रम शोब र लोकेश बमलाई बन्द प्रशिक्षणको लागि टिममा बोलाएको छ ।
यस अघि क्यानले बन्द प्रशिक्षणका लागि २२ खेलाडी बोलाएको थियो । तर, कप्तान मल्लसहित उपकप्तान दिपेन्द्र सिंह ऐरी र रोहित पौडेललाई कोरोना देखिएको थियो । नेपाली टिमले बिहीबारबाट प्रशिक्षण सुरु गर्दैछ । नेपाली टिमले प्रशिक्षक जगत टमटाको नेतृत्वमा प्रशिक्षण गर्नेछ । नेपाली टिम ९ महिनापछि सामुहिक प्रशिक्षणमा फर्कन लागेका हो ।
कोरोना भाईरसको महामारीको कारण गत चैतबाट नेपाली टिमले सामुहिक प्रशिक्षण गरेको छैन ।लामो समय खेलाडी मैदान बाहिर रहेपछि नेपाल क्रिकेट संघ ९क्यान० ले सावधानी अपनाएर प्रशिक्षण गराउन लागेको हो ।
