- २८ श्रावण २०८३, बिहीबार / Aug 13, 2026
बैतडी । बिहीबार साँझ एक किशोरी विभत्स अवस्थामा मृत भेटिएकी छन् ।
दोगडाकेदार गाउँपालिका–७ चडेपानीकी १७ वर्षीया भागरथी भट्ट मृतावस्थामा भेटिएकी हुन् । ती किशोरीको शव स्थानीय लवलेक जङ्गलमा विभत्स अवस्थामा फेला परेको मृतकका आफन्त शिवराज भट्टले बताए । घरबाट विद्यालय गएकी र घर नफर्केपछि खोजी गर्दै जाँदा बिहीबार साँझ ५ बजेतिर भट्टको शव हत्या विभत्स अवस्थामा फेला परेको हो ।
शरीरभरि निलडाम र घाउ चोट छ भने कपडा पनि च्यातिएको छ । ती किशोरी बुधबार विद्यालयमा उपस्थित रहेकी र त्यसपछि घटना भएको हुनसक्ने सनातन धर्म माविका प्रधानाध्यापक बलदेव नाथको भनाइ छ । शङ्कास्पद घटना भएको प्रहरी चौकीका प्रमुख मोती बमले बताए ।
