घाँस काट्न गएका बेला बालिका बलात्कार, दुई जना पक्राउ

बैतडी । बालिका बलात्कार गरेको आरोपमा दुई जना पक्राउ परेका छन् ।

शिवनाथ गाउँपालिकाकी १४ वर्षीया बालिकालाई बलात्कार गरेको आरोपमा डडेल्धुराको अमरगढी नगरपालिका–५ का २५ वर्षीय महेश तामाङ र २८ वर्षीय गोपाल गुरुङ पक्राउ परेको जिल्ला प्रहरी कार्यालय बैतडीका प्रवक्ता प्रहरी निरीक्षक दर्शन खड्काले बताए ।

घटनाबारे अनुसन्धान भइरहेको छ । घाँस काट्न गएका बेला बालिकामाथि बलात्कार भएको अनुसन्धानबाट खुल्न आएको प्रहरीले जनाएको छ।