चाँदीको मुकुट पाउने भाग्यमानी सांसद

पर्सा । क्षेत्र नम्बर ४ बाट प्रतिनिधि सभा सदस्यमा विजयी भएका नेपाली कांग्रेसका नेता रमेश रिजाललाई चाँदीको मुकुट लगाइदिएका छन् ।

निर्वाचित भएपछि मतदातालाई धन्यवाद ज्ञापन गर्न रिजाल आइतबार साँझ धोबिनी गाउँपालिका वडा नम्बर ३ हरिहरपुरमा पुगेपछि गाउँपालिका उपाध्यक्ष मञ्जु देवीले उनलाई मुकुट लगाइदिएकी हुन ।

२०७४ को निर्वाचनबाट पर्सा क्षेत्र नम्बर १ मा प्रतिनिधि सभा सदस्यमा निर्वाचित हुँदा प्रदीपलाई पनि विजय जुलुसका क्रममा वीरगञ्ज महानगरपालिका वडा नम्बर १५ मा एक समर्थकले चाँदीको मुकुट लगाइदिएका थिए ।