च्याम्पियन्स लिगमा पीएसजीविरुद्ध बार्सिलोनालाई अग्रता

काठमाडौँ । युरोपेली च्याम्पियन्स लिगअन्तर्गत क्वार्टरफाइनलको‌ पहिलो लेगमा फ्रेन्च टोली पीएसजीविरुद्ध स्पेनिस टोली बार्सिलोनाले अग्रता लिएको छ। बुधबार राति पीएसजीको घरेलु मैदान पार्क डेस प्रिन्सेसमा भएको खेलमा बार्सिलोना ३–२ ले विजयी भएको हो।

राफिन्हाले खेलको ३७औँ मिनेटमा गोल गर्दै र्सिलोनालाई अग्रता दिलाएका थिए । यता खेलको ४८औँ मिनेटमा पीएसजीका उसमान डेम्बेलेले गोल गर्दै खेल बराबरीमा ल्याए। बराबरीको दुई मिनेटपछि भिटिन्हाले गोल गर्दै पीएसजीलाई अग्रता दिलाए।

खेलको ६२औँ मिनेटमा राफिन्हाले दोस्रो गोल गर्दै खेल २–२ को बराबरीमा ल्याए भने ७७औँ मिनेटमा आन्द्रेयास क्रिस्टियनसनले गोल गर्दै बार्सिलोनालाई जित दिलाए।