जयनगर–जनकपुर रेलसेवा आजदेखि महोत्तरीको भंगाहासम्म चल्ने

जनकपुर । जनकपुर–जयनगर रेल सेवा विस्तार भएको छ । नेपालको एक मात्र रेल सेवा ब्रोडगेज रेल आजदेखि महोत्तरीको भंगहासम्म चल्ने भएको हो । जनकपुरधामको कुर्थादेखि महोत्तरीको भंगहासम्म थप १७ किलोमिटर दूरीमा संचालन हुन लागेको नेपाल रेल्वे कम्पनीका महाप्रबन्धक निरञ्जन झाले बताए ।

विस्तारित रेल सेवाको बिहान साढे १० बजे भंगाहा स्टेसनमा भौतिक पूर्वाधार तथा यातायातमन्त्री प्रकाश ज्वालाले उद्घाटन गर्ने कार्यक्रम तय भएको छ । यसअघि जनकपुरको कुर्थादेखि भारतको जयनगरसम्म ३५ किलोमिटरमा रेलसेवा संचाल हुँदै आएको थियो ।

आजबाट थप १७ किलोमिटर थप भएपछि अब ५२ किलोमिटर यात्रा विस्तार भएको छ । भारतको आर्थिक सहयोगमा निर्माण भएको उक्त रेलको थप १७ किलोमिटर भागको निर्माण सम्पन्न भएपछि भारतको इरकन कम्पनी लिमिटेडले नेपाल रेल्वे कम्पनीलाई जेठ १८ गते हस्तान्तरण गरेको थियो ।

यो सेवाले नेपालीहरुलाई थप फाइदा पुग्ने विश्वास लिइएको छ ।