बाढीले डाइभर्सन बगाउँदा सडक खण्ड नै अबरुद्ध

नवलपुर । लगातारको वर्षापछि आएको बाढीले बाढीले डाइभर्सन बगाउँदा पूर्व–पश्चिम राजमार्गको नवलपरासी खण्ड बन्द भएको छ । बाढीका कारण नवलपरासी पूर्व नवलपुरको अरुणखोला दुम्किबास खण्डमा रहेका तीन वटा डाइभर्सन बगाएपछि पूर्व–पश्चिम राजमार्ग अन्तरगत नवलपरासी खण्ड बन्द भएको हो ।

पानी निरन्तर परेकाले तत्काल मर्मत गरी यातायात सञ्चालनमा ल्याउन कठिन रहेको जिल्ला प्रहरी कार्यालय नवलपुरले जनाएको छ । यहाँ यातायात पूर्णरुपमा बन्द भएको जिल्ला प्रहरी कार्यालय नवलपुरले जनाएको छ । नारायणगढ बुटवल सडक विस्तारका क्रममा पुल निर्माण स्थलमा बनाइएका डाइभर्सन बाढीले बगाउदा समस्या उत्पन्न भएको हो ।