- ३१ असार २०८३, बुधबार / Jul 15, 2026
काबुल । विमानस्थलबाट अन्तिम अमेरिकी सैनिक जहाज उडेपछि तालिबानहरूले खुसीयाली मनाएका छन् । अमेरिकी इतिहासकै सबैभन्दा लामो युद्ध अन्त्य गर्दै अमेरिकी सेना अफगानिस्तानबाट फिर्ता भएको छ।
द न्यूयोर्क टाइम्सका अनुसार सोमबार राति अमेरिकी सैनिकको अन्तिम कार्गो जहाजले काबुल विमानस्थल छोडेसँगै सन् २००१ देखि अफगानिस्तानमा सुरू भएको अमेरिकी उपस्थिति अन्त्य भएको हो ।
सन् २००१ सेप्टेम्बर ११ मा अलकायदाले अमेरिकाको ट्वीन टावरमा आक्रमण गर्दा तीन हजार मानिसको मृत्यु भएको रउक्त आक्रमणको योजनाकार ओसामा विन लादेनलाई अफगान सरकारले अमेरिकालाई बुझाउन नमानेपछि अमेरिकाले काबुलमा आक्रमण गरेर ठूलो क्षेती बनाएको थियो ।
२० वर्षपछि अमेरिकी इतिहास नराम्रो हारका रुपमा लिएको छ भने अफगानिस्तानबा अमेरिकी सेना छोड्दा तालिबानहरूले आफ्नो विजयका रुपमा लिएका छन् । अमेरिकी सेनाको अन्तिम जहाज काबुलबाट उडेपछि दुई साताअघि सत्ता कब्जा गरेका तालिबानहरूले विजय उत्सव मनाएका हुन्।
