दाइजोको निहुँमा पत्नी हत्या गरेर फरार युवक पक्राउ

काठमाडौं । थोरै दाइजो ल्याएको निहँमा पत्नीको हत्या गरेर भागेका बाँकेको नेपालगञ्ज उपमहानगरपालिका – ६ का ३३ वर्षीय अच्छन अन्सारीलाई ४ वर्षपछि केन्द्रीय अनुसन्धान ब्यूरोले पक्राउ गरेको छ ।

अन्सारीले २०७५ असार ३१ मा दाइजो थोरै ल्याएको विषयमा पत्नी रुवी अन्सारीसंग निहुँ खोजेर लाठी र भालाले कुटेका मरणसान्न हुनेगरी कुटेको र गम्भिर घाइते रुवीको साउन २१ मा भारतको लखनउमा मृत्यु भएको केन्द्रीय अनुसन्धान ब्यूरो (सीआईबी)ले जनाएको छ ।

हत्यापछि फरार रहेका अन्सारीलाई असार २१ गते बाँकेको जमुनाहबाट पक्राउ गरेको हो । निज अन्सारीलाई २०७७ चैतमा अदालतले २० वर्ष कैद सजाय हुने फैसला गरेको थियो ।