- १४ जेष्ठ २०८३, बिहीबार / May 28, 2026
काठमाडौं । बजेट निर्माण गर्दा अनाधिकृत क्षेत्रका मानिसहरुलाई अर्थमन्त्रालयमा भित्राएका अर्थमन्त्री जनार्दन शर्माको व्यापक विरोध भइरहदा अर्थसचिव सचिव मधुकुमार मरासिनी अनिश्चितकालका लागि बिदा बसेका छन् । अनाधिकृत व्यक्तिलाई मन्त्रालय छिराएर करको दरमा परिवर्तन गराएको लगायतका विषयमा अर्थमन्त्री जनार्दन शर्मा विवादमा तानिएपछि अर्थसचिव मरासिनी बिदामा बसेका हुन ।
बिदा बसेको विषयमा उनले प्रधानमन्त्री शेरबहादुर देउवा अर्थमन्त्री शर्मा र मुख्यसचिवलाई जानकारी गराएको जनाएको छ । उनले अर्थमन्त्री शर्माले राजीनामा नदिएसम्म मन्त्रालय नफर्कने बाचा गरेको उल्लेख छ । यता संसदमा अर्थमन्त्री शर्माको व्यापक विरोध मात्रै होइन रोष्टमबाटै राजीनामा माग भइरहेको छ ।
सांसदहरुले अर्थमन्त्री शर्माको राजनीमा मागिरहदा अर्थमन्त्री शर्मा सामाजिक सञ्जालमा ट्रोल बनेका छन् । उनको सामाजिक सञ्जालमा समेत विरोध भइरहेको छ । विभिन्न राजनीतिक दलहरूले पनि अर्थमन्त्री शर्माको राजीनामा माग गरिरहेका छन् ।
