- २७ श्रावण २०८३, बुधबार / Aug 12, 2026
हेटौंडा । मकवानपुरको मनहरी गाउँपालिका ३ नयाँबस्ती डिपाट गाउँमा दुई ट्रक एकआपसमा ठोक्किँदा ३ जना घाइते भएका छन् ।
गएराति हेटौंडाबाट चितवनतर्फ जाँदै गरेको ना ६ ख ६६६७ नम्बरको ट्रक र विपरीत दिशा तर्फबाट आउँदै गरेको ना ६ ख ६३१ नम्बरको ट्रक एकआपसमा ठोक्किँदा दुर्घटना भएको जिल्ला प्रहरी कार्यालय मकवानपुरका प्रहरी प्रवक्ता एवम् डीएसपी टेकबहादुर कार्कीले बताए ।
दुर्घटनामा ट्रकका चालकहरु चितवन राप्ती–३ बस्ने अन्दाजी ३५ वर्षीय विवेक तामाङ र मकवानपुरको मनहरी–३ बस्ने अन्दाजी ३२ वर्षीय अर्जुन कुमार प्रजा घाइते भएका छन् । दुर्घटनामा अर्का एक जनापनि घाइते भएका छन् ।
उनीहरुलाई उपचारको लागि भरतपुर पठाइएको छ । दुर्घटनापछि दुवै ट्रकमा आगलागी भएको छ । दुवै ट्रक जलेर पूर्णरुपमा नष्ट भएको डीएसपी कार्कीले बताए ।
