- १३ भाद्र २०८३, शनिबार / Aug 29, 2026
काठमाडौं । चीनका विदेशमन्त्री छिन क्याङसँग परराष्ट्र मन्त्रालयका सचिव भरतराज पौड्यालले बिहीबार भेटवार्ता गरेका छन् ।
नेपाल–चीन द्विपक्षीय कूटनीतिक संयन्त्रको १५औँ बैठकमा सहभागी हुन चीन पुगेका हुन् ।
भेटका अवसरमा द्विपक्षीय सम्बन्धलाई थप प्रगाढ बनाउने र नेपाल–चीनबीचको आपसी सहकार्यलाई सबल बनाउने विषयमा छलफल भएको बेइजिङस्थित नेपाली दूतावासले जनाएको छ ।
उच्चस्तरीय भ्रमणको आदानप्रदान, विकास साझेदारी, व्यापार तथा पारवहन, लगानी र पर्यटनमा सम्भावित साझेदारीका साथै अहिलेसम्म भएका प्रगतिका विषयमा पनि सो भेटमा छलफल भएको छ ।
द्विपक्षीय संयन्त्रको बैठक शुक्रबार बस्दै छ । त्यसको तयारीका लागि सचिव पौड्याल बुधबार चीन गएका हुन् ।
