- १३ भाद्र २०८३, शनिबार / Aug 29, 2026
भक्तपुर । भक्तपुर क्षेत्र नं १ मा नेपाल मजदुर किसान पार्टीका सचिव प्रेम सुवालले उम्मेदवारी दर्ता गराएका छन् । मंसिर ४ गते हुने प्रतिनिधि सभा र प्रदेश सभा निर्वाचन अन्र्तगत सचिव प्रेम सुवाले प्रतिनिधि सभाका लागि भक्तपुर क्षेत्र नम्बर १ बाट उम्मेदवारी दर्ता गराएका हुन । उसो त भक्तपुर क्षेत्र नं १ मा नेपाल मजदुर किसान पार्टीको तर्फबाट सुवालले प्रतिनिधि सभामा प्रतिनिधित्व गरिसकेका छन् ।
यसै गरी प्रदेश सभाका लागि भक्तपुर क्षेत्र नं १ (क)बाट मीनबहादुर बाटा र भक्तपुर क्षेत्र नं १ (ख)बाट सुरेन्द्रराज गोसाईँले उम्मेदवारी दर्ता गराएका छन् भने भक्तपुर क्षेत्र नम्बर २ मा नेपाल मजदुर किसान पार्टीले अनुराधा थापा मगरलाई प्रतिनिधि सभाका लागि चुनाबी मैदानमा उतारेको छ ।
नेमकिपाले क्षेत्र नं २ (क) मा रमेश वैद्य र २(ख) सरोज राज गोसाईलाई प्रदेश सभाका लागि चुनाबी मैदानमा उतारेको जनाएको छ । थापामगर संविधान सभा सदस्य समेत भइसकेकी छन् ।
