पसलमा आगलागी हुदा एक करोडको क्षति

सिरहा । धनगढीमाई नगरपालिका–१० को धनगढी बजारका तीनवटा पसलमा आगलागी हुँदा एक करोड बराबरको क्षति भएको छ ।

बिहीबार राति स्थानीय गुञ्जेश्वर साहको कस्मेटिक पसल, विलेक्षण साहको जेनरल स्टोर र अशेश्वर साहको आईरण स्टोरमा आगलागी भएको हो ।

आगलागीले गुञ्जेश्वर साहको पसलका सम्पूर्ण सामान, २ लाख ५० हजार नगद र २ तोलाभन्दा बढि सुन जलेर नष्ट भएको प्रहरीले जनाएको छ ।

विद्युत सर्ट भएर आगलागी भएको जिल्ला प्रहरी कार्यालय सिरहाका सूचना अधिकारी सुभास बुढाथोकीले बताए ।

आगो स्थानीय, प्रहरी र गोलबजार, लहान र मिर्चैया नगरपालिकाबाट आएको दमकलले नियन्त्रण लिएको जनाएको छ ।