प्रहरी हवलदार घाइते

विराटनगर । गाँजा तस्करलाई समात्न खोज्दा एक जना प्रहरी घाइते भएका छन् । भारततर्फ गाँजा लैजाँदै गरेको सुचना पाए पछि पक्राउ गर्न जाँदा एक प्रहरी घाइते भएका हुन् ।

विराटनगर महानगरपालिका–१८ मुसहरी टोलबाट २२ किलोग्राम गाँजा बरामद गर्ने क्रममा प्रहरी हवलदार घाइते भएको मोरङ प्रहरीले जनाएको छ ।

गाँजा फ्यालेर भाग्न खोजेका व्यक्तिलाई नियन्त्रणमा लिनका लागि लखेट्ने क्रममा इलाका प्रहरी कार्यालय बुध नगरका सहायक हवलदार ३१ वर्षीय राजा साह घाइते भएको डिएसपी एवम् प्रवक्ता रन्जनकुमार दाहालले बताए ।

उनको कोसी अस्पतालमा उपचार भइरहेको छ । बरामद गरिएको गाँजा इलाका प्रहरी कार्यालय रानीमा राखिएको छ ।

घटनामा संलग्न भने फरार भएका छन् । खोजी कार्य तीव्र पारिएको प्रहरीले जनाएको छ ।