- ३१ असार २०८३, बुधबार / Jul 15, 2026
बेइजिङ । चीनमा ३ करोड ७० लाख मानिसलाई यो हप्ता एकै दिन कोभिड–१९ संक्रमण भएको हुन सक्ने सरकारको शीर्ष स्वास्थ्य निकायले अनुमान गरेको छ।
यसलाई एकै दिन सबैभन्दा ठूलो संख्यामा महामारी बताइएको छ ।
डिसेम्बरको पहिलो २० दिनमा करिब २४ करोड ८० लाख मानिस वा जनसंख्याको झण्डै १८ प्रतिशतमा यो भाइरसको संक्रमण भएको हुनसक्ने चीनको राष्ट्रिय स्वास्थ्य आयोगको सम्पन्न आन्तरिक बैठकमा संलग्न व्यक्तिले पुष्टि गरेका छन् ।
बेइजिङको कोभिड शून्य नीति अन्त्यले प्रतिरक्षा न्यून भएको जनसंख्यामा अत्यधिक संक्रामक ओमिक्रोन भेरियन्टहरूको अव्यवस्थित फैलावट भएको छ।
चीनको दक्षिणपश्चिममा रहेको सिचुआन प्रान्त र राजधानी बेइजिङका आधाभन्दा बढी बासिन्दाहरू संक्रमित भएका छन् । चीनले केही दिनअघि शून्यकोभिड नीति अन्त्य गरेको थियो ।
