बालबालिकामा अनौठो लक्षण

काठमाण्डौ । बालबालिका र किशोरकिशोरीको खुट्टाको औँलामा अनौठो लक्षण देखा पर्ने कारण वैज्ञानिकहरुले पत्ता लगाएका छन् । कोरोना भाइरस सङ्क्रमण भएर रक्त कोशिकाहरुमा धेरै असर पर्दा औँलाहरु बैजनी र नीला भएर सुनिने र छुँदा दुख्ने लक्षण देखिने गरेको नयाँ अध्ययनले देखाएको छ ।

अमेरिकाको नर्थवेस्टन युनिभर्सिटीको छालारोग विभागका डाक्टर एकडा एमी पालेरले भाइरस शरीरमा प्रवेश गरेपछि छालाले प्रतिक्रिया देखाउनु स्वाभाविक भएको बताए । इटलीमा कोरोना सङ्क्रमित बालबालिका र किशोरकिशोरीमध्ये २० प्रतिशतमा यस्तो समस्या देखिएको रिपोर्ट नै सार्वजनिक भएको थियो ।

फ्रान्सको पेरिस विश्वविद्यालयले कोरोना पछि यस्ता समस्या भएका ५० जना किशोरकिशोरी र बालबालिकामा अध्ययन गरेको थियो । छालारोग विशेषज्ञहरुले यसलाई ‘कोभिड टोज’ अर्थात ‘कोभिड औँलोु नामाकरण गरेका छन् ।