बाहुनडाडाँ वनमा भीषण डढेलो

लमजुङ । मर्स्याङदी गाउँपालिका–६ बाहुनडाँडाको चिसापानी सामुदायिक वनमा भीषण डढेलो लागेको छ । शनिबार दिउँसोबाट डढेलो लागेको स्थानीयले बताएका छन् ।

हावा चलेकाले डढेलो नियन्त्रणबाहिर गएर चिसापानी सामुदायिक वनभरी फैलिएको अध्यक्ष पारु कतिलाले बताइन् । मर्स्याङदी नदी नजिकैको तातोपानी कुण्डमाथिबाट चिसापानी सामुदायिक डढेलो लागेको हो ।

वनमा एक्कासी डढेलो लागेपछि स्थानीय आगो नियन्त्रण गर्न तम्सिएका थिए । डढेलो नियन्त्रणबारे लागि परेको डिभिजन वन कार्यालय लमजुङका प्रमुख डिभिजनल वन अधिकृत पूणेश्वर सुवेदीले बताए ।