भनपाको एघारौं नगरसभा सुरु

भक्तपुर । भक्तपुर नगरपालिकाकाको एघारौं नगरसभाको पहिलो बैठक माघ २६ गते बसेको छ । बैठक सुरु गर्दै प्रमुख एवम् एघारौं नगरसभाका अध्यक्ष सुनिल प्रजापतिले जनप्रतिनिधि, कर्मचारी र स्थानीय जनताको एकता र सहयोगी भावनाले भक्तपुरको विकास र प्रगति सम्भव भएको बताए । उनले जनतासँग नजिक हुने गतिविधि चालु राख्न आग्रह गरे ।

विचार र सिद्धान्तमा अडिग रही इमानदारीपूर्वक जनताको सेवा गर्नु जनप्रतिनिधिहरुको कर्तव्य भएको बताउदै प्रजापतिले सभामा सबै सदस्यहरुको सक्रिय सहभागिताको लागि आग्रह गरेका थिए । संसदीय निर्वाचनमा तीन प्रतिशत मत प्राप्त नगरेका राजनीतिक दललाई स्थानीय तहको निर्वाचनमा दलीय हैसियतबाट चुनाव चिन्ह नदिने निर्वाचन आयोगबाट षड्यन्त्र भइरहेकोबारे सभासद्हरुलाई सचेत पार्दै घोषणापत्रअनुसार कार्य नगर्ने सबै राजनीतिक दलहरु पनि खारेज हुनुपर्ने बताए