मंगलबार राति परेको वर्षासँगै आएको पहिरोको कारण सडक अबरुद्ध

काठमाडौं । बुधबार बिहानैबाट पहिराको कारण हेटौँडाबाट काठमाडौं जोड्ने दुईवटा सडकखण्डअवरुद्ध भएका छन् । पहिरोका कारण हेटौँडाबाट काठमाडौं जोड्ने कान्तिलोकपथ सडकखण्ड अन्तर्गत ललितपुरको भट्टेडाँडास्थित पहिरो जाँदा बिहानैदेखि यातायात अवरुद्ध भएको जिल्ला प्रहरी कार्यालय मकवानपुरले जनाएको छ ।

मंगलबार राति परेको वर्षासँगै आएको पहिरोको कारण सडक अबरुद्ध भएको हो । यो सडकखण्ड हुँदै चल्ने सवारीसाधन वैकल्पिक सडकबाट सञ्चालन गर्न आग्रह गरीएको छ । यसैगरी पहिरोका कारण कुलेखानी–सिस्नेरी सडकखण्डअन्तर्गत विभिन्न स्थानमा पहिरो जाँदा बिहानैदेखि यातायात अवरुद्ध भएको प्रहरीले जनाएको छ । दुवै सडकखण्डमा गएको पहिरो हटाएर यातायात सञ्चालनमा ल्याउने तयारी भइरहेको बताइएको छ ।