मकवानपुर र भएको मोटरसाइकल दुर्घटनामा दुई जनाको ज्यान गयो

मकवानपुर । मोटरसाइकल दुर्घटना हुँदा मकवानपुरमा एक जनाको ज्यान गएको छ । मकवानपुरको बाग्मती गाउँपालिका वडा नम्बर–७ लामीटारमा भएको उक्त दुर्घटनामा एक जनाको ज्यान गएको हो । दुर्घटनामा मोटरसाइकलका चालक बाग्मती गाउँपालिका वडा नम्बर–६ ठाडीखोला बस्ने २२ वर्षीय सन्तोष दर्लामीको ज्यान गएको छ । उनको उपचारका क्रममा काठमाण्डौको न्युरो अस्पतालमा ज्यान गएको जिल्ला प्रहरी कार्यालय मकवानपुरले जनाएको छ ।

मदन भण्डारी लोकमार्ग अन्तर्गत झुरझुरेबाट हेटौँडा जाँदै गरेको ना ३० प ३४८१ नम्बरको मोटरसाइकल अनियन्त्रित भइ बिजुलीको पोलमा ठोक्किएको हो । दुर्घटनामा घाइते भएका २२ वर्षीय प्रदीप लोप्चन उपचारपछि घर फर्किएका छन् । त्यस्तै बारामा मोटरसाइकल दुर्घटनामा परि एक प्रहरी जवानको ज्यान गएको छ ।

शनिबार ज १२ प ७१५४ नम्बरको मोटरसाइकल अनियन्त्रित भइ दुर्घटना हुँदा कञ्चनपुर भीमदत्त नगरपालिका–११ घर भइ इलाका प्रहरी कार्यालय निजगढ बारामा कार्यरत प्रहरी जवान आकाश सुनारको ज्यान गएको हो । निजगढ नगरपालिका ८ बाट जितपुरसिमरा उपमहानगरपालिका–१६ काँठगाटतर्फ मोटरसाइकल चोरी गरी लैजाँदै गरेको गोप्य सूचनाका आधारमा खोजतलास गर्दै जाने क्रममा सुनारको मोटरसाइकल दुर्घटना भएको प्रहरीले जनाएको छ ।