- ११ असार २०८३, बिहीबार / Jun 25, 2026
काठमाडौं । सर्वोच्च अदालतका न्यायाधीशहरू प्रधानन्यायाधीशको मर्यादाक्रम घटाउने प्रस्तावसहितको विधेयकप्रति गम्भीर बनेका छन् । प्रतिनिधि सभाका सभामुख र राष्ट्रिय सभाका अध्यक्ष भन्दा तल संविधानको प्रावधान विपरीत प्रधानन्यायाधीशको मर्यादाक्रम राख्न तयारी भएपछि न्यायधीशहरु गम्भीर बनेका हुन् ।
गत चैत ५ गते राष्ट्रिय सभामा दर्ता भएको ‘राष्ट्रिय मर्यादा सम्बन्धी विधेयक, २०७९’ले यसअघि चौथो नम्बरमा रहँदै आएको प्रधानन्यायाधीशको मर्यादाक्रम घटाएर पाँचौ नम्बरमा झार्न प्रस्ताव गरेपछि न्यायपालिका र नेपाल बार यशोसियन तरंगित भएको हो ।
नेपाल बार एसोसिएसनले पनि प्रधानन्यायाधीशलाई राज्यको ४ नम्बरको मर्यादाक्रमबाट ५ नम्बरको मर्यादाक्रममा राखेर राष्ट्रिय सभामा पेस भएको राष्ट्रिय मर्यादा सम्बन्धमा व्यवस्था गर्न बनेको गैर सरकारी विधेयकप्रति आपत्ति जनाएको छ ।
