मोबाइलबाटै आफ्नो मतदाता नामावली दर्ता आजदेखि सुरु

काठमाडौँ । मङ्गलबारदेखि ७७ वटै जिल्लामा अनलाइन मतदाता नामावली दर्ता सुरु हुने भएको छ । सोमबारदेखि सुरु हुुने भने पनि सोमबार राष्ट्रिय शोक परेकाले मंगलबारदेनि सुरु हुने भएको हो । मतदाता नामावलीको अनलाइन प्रारम्भिक दर्ता निर्वाचन आयोगले माघ २ गते सोमबारदेखि नै सुरु हुने भने पनि सोमबार राष्ट्रिय शोक बिदा परेकाले मंगलबारबाट हुने निर्वाचन आयोगले जनाएको छ ।

प्रारम्भिक दर्ता भएपछि आयोगले पालो आउने दिनसहितको विवरण मोबाइलमा पठाउने जनाइएको छ । त्यसपछि नामावली दर्ता गराउने व्यक्तिले बायोमेट्रिकका लागि सम्बन्धित निर्वाचन कार्यालयमा पुग्नुपर्ने निर्वाचन आयोगले तय गरेको छ ।
प्रारम्भिक दर्तासँगै नामावली स्थानान्तरण, मतदाता नामावली अद्यावधिक गर्ने कार्यसमेत सँगै सुरु हुने निर्वाचन आयोगले जनाएको छ ।

यसअघि बायोमेट्रिक भोटर्स रजिस्ट्रेसन सिस्टम (बीभीआईआर)मार्फत नामावली दर्ता हुँदै आएकोमा उक्त प्रणालीलाई स्तरोन्नति गरेर मोबाइलबाटै आफ्नो विवरण राख्न मिल्नेगरी प्रारम्भिक दर्ता सुरु हुन लागेको निर्वाचन आयोगले जनाएको छ ।