- ३० श्रावण २०८३, शनिबार / Aug 15, 2026
काठमाडौं । आज बस्ने राष्ट्रियसभा बैठकमा अपाङ्गता भएका व्यक्तिको अधिकार कार्यान्वयन सम्बन्धी सङ्कल्प प्रस्ताव प्रस्तुत हुने भएको छ ।
राष्ट्रियसभा सदस्य प्रकाश पन्थले बिहान ११ बजे संसद भवन नयाँबानेश्वरमा प्रस्ताव प्रस्तुत गर्ने संङघीय संसद सचिवालयले सार्वजनिक गरेको सम्भावित कार्यसूचीमा छ ।
यस्तै, बैठकमा कानुन, न्याय तथा संसदीय मामिला मन्त्री धनराज गुरुङले ‘विधायन सम्बन्धी विधेयक, २०८०’ दफावार छलफलका लागि विधायन व्यवस्थापन समितिमा पठाइयोस् भन्ने प्रस्ताव गर्ने कार्यसूचीमा उल्लेख गरिएको छ।
