- १८ श्रावण २०८३, सोमबार / Aug 3, 2026
कास्की । अख्तियारको तथ्यले भन्छ, सबैभन्दा बढी भ्रष्टाचार लकडाउनमा भयो । २०७६ चैत्रदेखि देशभर कोरोनाका कारण लकडाउन जारी भएको थियो । लकडाउन अवधिभर सबै प्रदेशका सरकारी कार्यलय देखि नीजि पसलहरुपनि बन्द भए ।
अत्यावश्यकबाहेकका सार्वजनिक कार्यालयसबै प्राय घरैबाट चले ।सबै लक भएका बेला भ्रष्टाचार भने लक हुन नसकेको तथ्य अख्तियारको प्रतिवेदनले बताउँछ । आर्थिक वर्ष २०७७, ७८ मा भ्रष्टाचार सम्बन्धी नौ सय ३२ उजुरी परेको अख्तियार दुरुपयोग अनुसन्धान आयोग पोखराले जनाएको छ ।
यो उजुरी अघिल्लो वर्षको भन्दा ९० ले बढी हो । भ्रष्टाचारका सबैभन्दा धेरै मुद्दा कास्कीमा परेको छ । एकै वर्ष चार सय ११ वटा भ्रष्टाचारका उजुरी परेका छन् । मनाङ र मुस्ताङका उजुरी तुलनात्मक कम छन् ।
यसैबीच, अख्तियार दुरुपयोग अनुसन्धान आयोग पोखराले प्रदेश प्रमुख पृथ्वीमान गुरुङलाई प्रतिवेदन बुझाएको छ ।
