- १० असार २०८३, बुधबार / Jun 24, 2026
नवलपरासी । नेपाली युवाहरु दैनिक त्रिभुवन विमानस्थलबाट हजारौंको संख्यामा विदेशी रहेका छन् । आज भोलि विमानस्थलमा मानिसहरुको भिड थामी नसक्नु छ । अझै देशका विभिन्न जिल्लाहरुबाट नयाँ राहधानी बनाउनेहरुको संख्या पनि उल्लेख्य रहेको छ ।
नवलपरासी (बर्दघाट–सुस्ता पश्चिम बाट सात महिनाको अवधिमा करिब १० हजार व्यक्तिले राहदानी लिएका छन् । जिल्ला प्रशासन कार्यालयका अनुसार गत साउनदेखि माघसम्म चालु आर्थिक वर्ष २०७९ र ८० को पछिल्लो सात महिनामा १० हजार जनाले राहदानी लिएको तथ्यांक रहेको छ ।
विगतमा महिला वैदेशिक रोजगारीबाट फर्केपश्चात् आफू वैदेशिक रोजगारीबाट फर्केको भन्नसक्ने अवस्था नरहेको, कुण्ठितरुपमा बस्नुपर्ने अवस्था रहे पनि अहिले भने केही परिवर्तन आएको छ । रामग्राम नगरपालिकाअन्तर्गत सुरक्षित आप्रवासन सामी परियोजनाले जानकारी दिए अनुसार वैदेशिक रोजगारलाई सकारात्मक र नकारात्मक दुवै पाटोले हेर्दा ५६ प्रतिशत घरमा रेमिट्यान्स भित्रिएको जनाएको छ ।
नेपालको करिब ४० लाख जनशक्ति वैदेशिक रोजगारका सिलसिलामा कुनै न कुनैरुपमा देश बाहिर रहेको तथ्याङ्क सार्वजनिक गरिएको छ । वैदेशिक रोजगारीका कारण समाजमा सामाजिक र वैदेशिक समस्या बढ्दो रहेको परियोजनाले जनाएको छ ।
