- ३१ बैशाख २०८३, बिहीबार / May 14, 2026
राकमकर्णाली । कर्णाली प्रदेश दैलेख जिल्लाको भौगोलिक रुपमा विकट मानिने आठबीस नगरपालिका प्राकृतिक रुपमा जति सुन्दर छ त्यतिकै रुपमा विपद्को जोखिममा रहेको छ । नगरलाई विपद्बाट जोगाउन दिर्घकालिन योजना बनाउँन आवश्यक रहेको नगरप्रमुख तर्कबहादुर बडुवालले बताएका छन् ।
प्रचारमुखी भन्दा पनि काममुखी भएकाले जनताका समस्या जहाँ छन्, ती समस्या समाधानमा नगरको टिमसंगसंगै नगरवासी र सरोकारवालासंग हातेमालो आवश्यक रहेको औल्याए । विपद् व्यवस्थापनमा आधारित एक कार्यक्रममा बडुवालले यस्तो धारणा राखेका हुन ।
समयको महत्व बुझ्दा हरेक समाज तथा व्यक्तिले क्षति व्यहोर्न नपर्ने भन्दै विपद्मा अर्कालाई जोगाएर आफू सुरक्षित हुनुपर्ने बताए । हावाहुरी, पहिरो र वर्षातका कारण कतिपय स्थानीयवासीको छाना भत्कीएको र वर्षातको पानीले छाना चुहिने भएकाले घटनाको प्रकृति र क्षेती हेरेर नगरले तृपाल बाडेको बताए ।
विपद्मा त्रासदी फैलाउने र हतोत्साहित नहुने खालको सूचना सम्प्रेषण गरेर जिम्मेवारी पूरा गर्न आग्रह गरे । विपद् मानव जीवनको अजात शत्रु भएकाले यसबाट बच्न र बचाउन सबैकोे भूमिका महत्वपूर्ण हुने भन्दै जनप्रतिनिधिले अझ बढी चनाखो भएर काम गर्नुपर्ने निर्देशन दिए ।
