वीर अस्पतालका १६ जना चिकित्सकले दिए सामूहिक राजीनामा

काठमाडौं । वीर अस्पताल इमर्जेन्सी विभागका १६ जना चिकित्सकले सामूहिक राजीनामा दिएका छन् । अस्पतालका १६ जना चिकित्सकले बुधबार सामूहिक राजीनामा दिएका हुन्।

अस्पतालका निर्देशकलाई सामूहिक राजीनामा पत्र बुझाउदै उनीहरूले मागहरुको सुनुवाइ नभएको बताएका छन् । ज्यालादारी भनेर दसैं–तिहार भत्ता नदिएको, एकदिनको तलब कट्टा गरेर दिएको, उपयुक्त स्रोत सामग्री उपलब्ध नगराएको र २४सै घण्टा ड्युटीमा लगाउने गरेको राजीनामा पत्रमा उल्लेख गरेका छन् ।

स्वास्थ्य सुरक्षा मापदण्डको व्यवस्थापन नगर्दा जोखिम मोलेर काम गर्न बाध्य भएको उनीहरुको गुनासो छ। डा कौशलेन्द्र चौधरी, डा महेश गिरी, डा कृष्टि थापा, डा राकेशकुमार सिंह, डा आयुषी शर्मा नेपाल लगायत १६ जना चिकित्सकले कोरोनाको उपचारमा खटिए बापतको भत्ता लगायत सुविधा नदिएको भन्दै राजीनामा दिएका हुन ।