- ११ श्रावण २०८३, सोमबार / Jul 27, 2026
काठमाडौं । नेपाली कांग्रेस भित्र अहिले हिनताबोधले सताएको छ । चुनाव जितेर पनि सरकारको नेतृत्व गर्नु पर्ने बेला दम्भ देखाउँदा काँग्रेसको हरिविजोग भएको नेताहरुले बताएका छन् ।
सत्ता गुमाएपछि काँग्रेस इतरसमूहले भेला बोलाएको छ । शेखर–गगन समूहले आज छुट्टै भेला बोलाएको एक नेताले बताए ।
भेलामा चुनावी समिक्षा गर्नुका साथै नयाँ सत्ता समिकरणबारे गहन छलफल हुने सो समूहले जनाएको छ ।
पार्टीको आगामी केन्द्रीय समितिमा प्रस्तुत गर्ने एजेण्डा तय गर्ने तयारी समेत भएको बुझिएको छ । कार्यसमितिको बैठक पुस २८ गते बस्ने निधो भएको छ ।
यसअघि पुस २२ गते बस्ने तय भएको थियो । बुधबार बैठकको मिति परिवर्तन भएको हो । त्यसअघि २३ गते संसदीय दलको बैठक बोलाएको छ ।
नेपाली कांग्रेसले गठबन्धन जोगाउन नसक्दा संघदेखि प्रदेशसम्म सरकारको नेतृत्व गर्ने अवसर गुमाएको छ ।
सभापति शेरबहादुर देउवाको कारण गठबन्धन टुटेको आरोपसहित इतर समूहले आक्रमक तयारी थालेको हाे ।
