- १ कार्तिक २०८३, आईतवार / Oct 18, 2026
सल्यान । जीप दुर्घटना हुँदा दुई जनाको मृत्यु भएको छ ।
बिहान कपुरकोट गाउँपालिका– ३ चोरखोला नजिक सेतापैरास्थित राप्ती राजमार्गमा रोल्पाबाट दाङतर्फ आइरहेको तरकारी बोकेको रा १ च १०२५ नम्बरको सिंगल क्याप जिप दुर्घटना हुँदा दुई जनाको घटनास्थलमा मृत्यु भएको जिल्ला प्रहरी कार्यालय सल्यानले जनाएको छ ।
घटनामा एक जना घाइते भएका छन् । घाइतेलाई थप उपचारको लागि दाङ ल्याउने तयारी भएको प्रहरीले जनाएको छ । जीप अनियन्त्रित हुँदा सडकदेखि करिब ३५० मिटर तल खसेको थियो ।
ज्यान गुमाएका व्यक्तिहरुको पहिचान खुल्न बाँकी रहेको जिल्ला प्रहरी कार्यालय सल्यानका प्रहरी निरिक्षक रेशमलाल पौडेलले दिए।
