सशस्त्र महानिरीक्षकमा राजु अर्याल नियुक्त

काठमाडौं । सरकारले सशस्त्र प्रहरी बल नेपालको प्रहरी महानिरीक्षकमा राजु अर्याललाई नियुक्त गरेको छ । अर्याललाई मन्त्रिपरिषद् बैठकले सशस्त्र प्रहरी बलको प्रमुखमा नियुक्त गरेको हो ।

डीआईजीबाट एआईजीमा बढुवा भएका उनी एकल दाबेदार हुँदै आईजीपीमा नियुक्त भएका हुन् । सशस्त्र प्रहरीका आईजी पुष्पराम केसीले आइतबारदेखि ३० वर्षे सेवा अवधिका कारण अनिवार्य अवकाश पाएका हुन् ।

केसी गत ३० चैतमा सशस्त्र महानिरीक्षकमा नियुक्त भएका थिए । उनी १९ दिनका लागि महानिरीक्षक बनेका थिए । दुई जना एआईजी रहने सशस्त्र प्रहरी बलमा सरकारले अर्याललाई एकल बढुवा गर्दै आईजीपीको लागि बाटो खुला गरिदिएको थियो ।