- ३१ भाद्र २०८३, बुधबार / Sep 16, 2026
दोहा । रोजगारीको प्रलोभनमा साउदी अरब पुगेका ५५ जना नेपाली युवा अलपत्र परेका छन् । करिब ७ महिनाअघि त्यहाँ पुगेका उनीहरु टोकियो ओभरसीज, वर्कफोर्स सर्भिसेज र डि प्रोटोन म्यानपावर प्रालिमार्फत साउदीको अलमराजमा डेलिभरी टाइम कम्पनीमा पोल्टी फर्मको काममा पठाइएका थिए ।
कम्पनीले दुई महिना १० दिनको तलब नदिएपछि अलपत्र उनीहरु अलपत्र परेका हुन्। तीन म्यानपावरलाई प्रतिव्यक्ति १ लाख ८० हजारदेखि २ लाखसम्म बुझाएर साउदी पुगेका उनीहरूलाई एजेन्ट तथा म्यानपावरले कम्पनी भनेर पठाए पनि ७ महिनामा कम्पनीले ४ वटा ठाउँ फेरिसकेको सुनसरीका महमद राम्जान मियाले बताए ।
साथीहरुलाई कम्पनीले बिना कारण जेल हालेपछि करिब एक हप्तादेखि काम बन्द गरेका आफूहरुसँग कम्पनी छलफलमासमेत नआएको दिपेन्द्र झाले गुनासो गरे ।
आफूहरुको फोन समेत नउठाएको भन्दै उनीहरूले पठाउने म्यानपावरलाई कारबाही गर्न र आफूहरूलाई सकुशल नेपाल फिर्ता गर्ने वातावरण मिलाइदिन नेपालस्थित श्रम मन्त्रालय, वैदेशिक रोजगार विभाग लगायत विभिन्न मानवअधिकारवादी सङ्घसंस्थालाई अपिल गरेका छन् ।
रियादस्थित नेपाली दूतावासलाई पटक–पटक आफूहरु समस्यामा परेको भन्दै उद्धारको अपिल गरे पनि कुनै पहल नभएको गुनासो गरे । टोकियो ओभरसीजका चेयरमेन सुरेन गौतमले भने झगडा गर्ने ७ जना जेल गएको बताए ।
