- २२ श्रावण २०८३, शुक्रबार / Aug 7, 2026
काठमाडौं । अत्यधिक चिसो मौसमका कारण अमेरिका र क्यानडामा २५ करोड मानिस जोखिममा परिरहेका छन् ।
अमेरिकाका १२ वटा राज्यमा सङ्कटकालीन कदम चालिएको छ । कम्तीमा १९ जना मानिसहरूले ज्यान गुमाएका छन् ।
मोन्टाना राज्यमा माइनस ४५ डिग्री सेल्सियस तापक्रम मापन गरिएको छ ।अमेरिकामा १५ लाख घर र व्यापारिक भवनहरूमा बिजुली आपूर्ति प्रभावित भएको छ भने हजारौँ उडानहरू रद्द भएका छन् ।
अर्को हप्तासम्म कायम राख्ने भविष्यवाणी गरिएको खराब मौसमले मानिसहरूको क्रिसमस योजना बिथोलेको छ । व्यापक चिसो आँधी टेक्ससदेखि क्यानडाको कुबेकसम्म ३,२०० किलोमिटरभन्दा धेरै क्षेत्रमा फैलिएको छ ।
वायुमण्डलीय चाप घटेपछि अमेरिका–क्यानडा सीमा क्षेत्रमा रहेका ठूला तालहरू भएको क्षेत्रमा बरफसहितको तुफानको अवस्था देखा परेको छ।
