१४ जनाको ज्यान जाने गरी बारमा बस दुर्घटना

काठमाडौं । यात्रुबाहक बस बाराको जितपुर सिमरा उपमहानगरपालिका–२२ अम्लेखगञ्जमा दुर्घटना भएको छ । बस दुर्घटना हुँदा बसमा सवार १४ जनाको मृत्यु भएको छ भने दुर्घटनामा २५ जना घाइते भएका छन् । बिहिबार नारायणघाटबाट वीरगञ्जतर्फ जाँदै गरेको बा प्र ०६–००१ ख ०११० नम्बरको बस दुर्घटनमा भएको हो । जितपुर सिमरा उपमहानगरपालिका–२२ अमलेखगञ्जस्थित ३ नम्बर पुलबाट बस तल खोलामा खसेको जनाइएको छ ।

घाइतेहरूको सिमरास्थित अल्पाइन र हेटौंडा अस्पतालमा उपचार भइरहेको जिल्ला प्रहरी कार्यालय बाराले जनाएको छ। दुर्घटनाको प्रकृति हेर्दा मृतकको संख्या अझै बढ्न सक्ने प्रहरीले जनाएको छ । तीब्र गतिका कारण अनियन्त्रित भई बस दुर्घटना भएको हुन सक्ने घटनास्थलमा पुगेको प्रहरी टोलीले अनुमान गरेको छ ।