अछामको बयलवाटा अस्पतालमा एक संक्रमितको मृत्यु

१७ असार २०७७ अछाम । कोरोनाभाइरसबाट थप एक जनाको मृत्यु भएको छ । बयलवाटा अस्पतालमा उपचारका क्रममा एक पुरुषको मृत्यु भएको हो । उनको मृत्युसँगै नेपालमा कोरोना भाइरसबाट मृत्यु हुनेको संख्या ३० पुगेको छ ।

बयलपाटा अस्पतालमा उपचाररत रामारोशन गाउँपालिका ५ का ४५ वर्षिय पुरुषको असार १४ गते मृत्यु भएको स्वास्थ्य तथा जनसंख्या मन्त्रालयले जनाएको छ । मृतक पुरुषको स्वाव संकलन गरी सेती प्रदेशीक अस्पतालमा भएको परीक्षणमा कोरोना पोजेटिभ देखिएको हो ।

असार १३ गते स्वासप्रस्वासमा समस्या देखिएपछि अस्पताल भर्ना भएका उनी मधुमेहको बिरामी भएको बताइएको छ। मृतक पुरुषसँगै कुरुवा बसेका २ जनाको कोरोना रिपोर्ट भने नेगेटिभ आएको छ ।