- ६ श्रावण २०८३, बुधबार / Jul 22, 2026
काठमाडौं । रुसको एक अदालतले फेसबुकको कम्पनी मेटालाई ‘अतिवादी गतिविधि’ मा दोषी ठहर गरेको छ । मस्कोस्थित त्र्भेस्कोयी जिल्ला अदालतले रुसमा मेटाको गतिविधिलाई बन्द गर्न माग गर्दै रुसी अभियोजनकर्ताहरुले दायर गरेको मुद्दामाथि सुनवाई गर्दै यस्तो ठहर गरेको हो ।
रुसी अभियोजनकर्ताहरुले रुसविरुद्ध घृणा फैलाउने एवम् रुसी नागरिकविरुद्ध हिंसात्मक टिप्पणीलाई छुट दिने मेटाको कदम अतिवादी रहेको उल्लेख गर्दै अदालतमा मुद्दा दायर गरेका थिए ।
अदालतले रुसमा मेटाका सामाजिक सञ्जालमाथि लगाइएका प्रतिबन्धलाई पनि सदर गरेको अन्तर्राष्ट्रिय सञ्चारमाध्यमले जनाएका छन् । रुसमाथि विभेद गरेको र घृणा फैलाएको भन्दै मेटाका फेसबुक र इन्स्टाग्राममाथि प्रतिबन्ध लगाइएको हो ।
यद्यपि अदालतको पछिल्लो फैसलाले मेटाको अर्को सामाजिक सञ्जाल ह्वाट्सएपमा भने कुनै असर नपर्ने रोयटर्सले जनाएको छ ।
