- ८ श्रावण २०८३, शुक्रबार / Jul 24, 2026
काठमाडौँ । नेकपाको केन्द्रीय समिति बैठक पुस १० सम्मका लागि सारिएको छ ।
बुधबारको स्थायी कमिटी बैठकले केन्द्रीय समिति बैठक ५ दिन पछि सार्ने, सरकारले मंगलबार ल्याएको संवैधानिक परिषद सम्बन्धी अध्यादेश फिर्ता लिने निर्णय भएको प्रवक्ता नारायणकाजी श्रेष्ठले बताए । प्रधानमन्त्री केपी शर्मा ओली एजेण्डामा असहमति जनाउँदै बैठकमा उपस्थित नभएपछि दिउँसो १ बजेका लागि बोलाइएको बैठक तीन घन्टा ढिलो गरी सुरु भएको थियो।
बैठकअघि ओली र प्रचण्ड बीच भएको भेटवार्तामा भदौ २६ को स्थायी कमिटी बैठकको निर्णय बमोजिम अघि बढ्ने, सरकारले ल्याएको अध्यादेश फिर्ता लिने तथा विशेष अधिवेशनको माग गर्दै राष्ट्रपति कार्यालयमा बुझाउन लागिएको आवेदन प्रक्रिया अगाडि नबढाउने जस्ता समझदारी भएपछि बैठक बसेको ओली निकटको दाबी छ ।
ओली पनि सहभागी भएलगत्तै बसेको स्थायी कमिटी बैठकले संवैधानिक नियुक्तिहरु सहमतिको आधारमा गर्ने पनि निर्णय गरेको पनि प्रवक्ता श्रेष्ठले बताए।
