- १७ श्रावण २०८३, आईतवार / Aug 2, 2026
एजेन्सी । इजरायली सेनाको आक्रमण र नाकाबन्दीका कारण गाजा क्षेत्रको जनजीवन चरम संकटमा परेको छ । मानवीय संकट गहिरिएको संयुक्त राष्ट्रसंघले जनाएको छ । खाना र पानीको अभाव, भोकमरीको चरम अवस्था आउन लागेको विश्व खाद्य कार्यक्रमले जनाएको छ ।
गाजा क्षेत्रमा बिजुली लगायत इन्धनको अभाव चुलिएको छ । गर्भवती महिलाहरु अत्यावश्यक औषधी लिनबाट बञ्चित भएको संचारमाध्यमले जनाएका छन् । इजरायलले भने सबै बन्दी मुक्त नगरेसमम्म नाकाबन्दी जारी राख्ने बताएको छ ।
करिव १ सय ५० जनालाई हमास लडाकुले बन्दी बनाएको अधिकारीहरुले जनाएका छन् । हमलामा हमासतर्फ १५ सय भन्दा बढीको मृत्यु भएको छ । तीमध्ये ५ सय बालबालिका मात्र छन् ।
यस्तै हमास लडाकुहरुको आक्रमणमा परी इजरायलतर्फ १३ सय जनाको मृत्यु भएको छ । इजरायलले हवाइ आक्रमण तीव्र बनाएसँगै गाजा क्षेत्रमा करिव ३ लाख ३८ हजार जना विस्थापित भैसकेको संचारमाध्यमले जनाएका छन् ।
