आफुले लेखेको पोष्ट फेसबूकले हटाइदिएपछि ट्रम्प दुःखी

काठमाडौं । अमेरिकी राष्ट्रपति डोनल्ड ट्रम्पले दुःखी भएका छन् । कोरोना रुघाखोकी जस्तै हो भनेर सामाजिक सञ्जालमा पोष्ट गरेपछि फेसबूक र ट्विटरले ट्रम्पको पोस्ट हटाइदिएका छन् ।

कोरोना भाइरससम्बन्धी गलत सूचना फैलाउन नपाइने सामाजिक संजालको नियमलाई ट्रम्पको पोस्टले उल्लंघन गरेको भन्दै संजालले दावी गरेको छ । ट्रम्पको उक्त पोष्ट २६ हजार शेयर भएको थियो ।

कोभिड–१९ को गम्भीरतालाई मध्यनजर गरी गलत सूचना हटाएको फेसबूकका प्रवक्ताले बताए । अमेरिकामा नयाँ कोरोनाभाइरस देखापरेदेखि २ लाख १० हजारभन्दा बढी मानिसको ज्यान गइसकेको तथ्याङ्क छ ।