लाइसेन्सका लागि नयाँ  अनलाइन  आवेदन बन्द

काठमाण्डौ । यातायात व्यवस्था विभागले नयाँ सवारी चालक अनुमतिपत्र लाइसेन्सका लागि आवेदन चत्रै १ देखि बन्द गरेको छ । विभागले सूचना जारी गर्दै अर्को सूचना नआएसम्मका लागि अनलाइन आवेदन बन्द गरेको जनाएको हो । सवारी चालक अनुमति पत्र लाइसेन्सका लागि आवेदन धेरै परेकाले अनलाइन आवेदन दिनेहरूलाई दुई वर्षपछिसम्मको कार्यालय भिजिट समय प्राप्त हुने गरेको जनाइएको छ ।

कोरोना महामारीका कारण लामो समय लाइसेन्स परीक्षा रोकिँदा आवेदन दिनेहरूको चाप बढेको भन्दै विभागले अहिलेसम्म परेका अनलाइन आवेदनको टुङ्गो लगाउनुपर्ने भएकाले अनलाइन आवेदन बन्द गरेको जनाएको छ ।