- १६ जेष्ठ २०८३, शनिबार / May 30, 2026
प्योङयाङ । उत्तर कोरिया आफ्नो स्वाभिमानमा नडगमगाएपछि अमेरिकाले थप प्रतिबन्ध लगाएको छ । उत्तर कोरियाले व्यालिस्टिक कार्यक्रमलाई सहयोग गरेको निँहु पारेर अमेरिकाले पाँच जना उत्तर कोरियालीलाई प्रतिबन्ध लगाएको हो ।
कोरियाली जनता र देशको रक्षाका लागि भन्दै कोरियाले यसै साता मात्र दुई ओटा हाइपरसोनिक मिसाईल परीक्षण गरेको छ । उसले परीक्षण गरेका मिसाईल आवाजभन्दा पाँच गुणा चाँडो प्रहार हुने विज्ञको धारणा छ ।
गत सेप्टेम्बरदेखि अहिलेसम्म उत्तर कोरियाले ६ ओटा व्यालेस्टिक मिसाइलको सफल परिक्षण गरेको छ । अन्तर्राष्ट्रिय प्रतिबन्धका बाबजुद उत्तरले आणविक परीक्षण गरेको भन्दै अमेरिकाले उसका कदमको विरोध गर्दै आएको छ ।
अमेरिकाले पछिल्लो पटक प्रतिबन्ध लगाएका व्यक्तिहरुमध्ये एक जना रसियामा रहेर उत्तर कोरियाका लागि आणविक हतियार ओसार पसार गर्ने कोरियाली रहेको अमेरिकाले दाबी गरेको छ । अन्य चार जना भने चीनमा रहेर उत्तरको आणविक गतिविधिलाई सहयोग गर्ने उत्तर कोरियाली रहेको आरोप लगाएको छ ।
