ऊविका दैलेखका प्रमुख इन्जिनियरसहित ४ जना घुस खाँदाखादै रंगेहात पक्राउ

ऊविका दैलेखका प्रमुख इन्जिनियरसहित ४ जना घुस खाँदाखादै रंगेहात पक्राउ image

१७ असार २०७७ दैलेख । दैलेखमा चार जना घुस खाँदाखादै रंगेहात पक्राउ परेका छन् ।

खानेपानी, सिँचाइ तथा ऊर्जा विकास कार्यालयका निमित्त प्रमुख इन्जिनियर टोपेन्द्र सुन्दर मल्ल र सबइन्जिनियर वीरेन्द्र चन्द २ लाख ४१ हजार रुपैयाँ घुससहित पक्राउ परेका हुन । भगवतीमाई गाउँपालिका ३ सानटडा खोला तटबन्ध निर्माणको भुक्तानी दिने क्रममा सेवाग्राहीसँग दुई लाख ४१ हजार रुपैयाँ घुस लिँदै गरेको अवस्थामा उनीहरुलाई पक्राउ गरिएको अख्तियारले जानकारी दिएको छ ।

घुस लिँदै गरेको अवस्थामा इन्जिनियर टोपेन्द्र सुन्दर मल्ल र सबइन्जिनियर वीरेन्द्र चन्दको बयानको आधारमा सबइञ्जिनियर रन्जित श्रेष्ठ र सुपरभाइजर लक्ष्मी पाण्डे पनि पक्राउ परेका छन् । घुस लिने कुराको सूचना पाउने बित्तिकै घटनास्थलमा पुगेर पक्राउ गरिएको अख्तियार दुरुपयोग अनुसन्धान आयोग सुर्खेत कार्यालयले जनाएको छ ।

Kailashkhabar.com

Kailashkhabar.com

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।

कैलाश खवर का अरु लेखहरु पढ्नुस्


hotelghyampedanda