- २२ आश्विन २०८३, बिहीबार / Oct 8, 2026
काठमाडौं । ताइवान मामिला चर्किरहेको बेलामा परराष्ट्रमन्त्री नारायण खड्का चीन भ्रमणमा लागेका छन् ।
ताइवानका विषयमा भारत मौन रहेको छ भने यही बेलामा नेपालले चीनको एक चीन नीतिप्रति समर्थन जनाएको छ । यही विषय चर्चामा आएका बेला खड्का बेइजिङतिर लागेका हुन् ।
परराष्ट्रमन्त्री खड्काको भ्रमण दुई देशबीचको उच्चस्तरीय भ्रमण आदानप्रदानकै एउटा सिलसिला भएको परराष्ट्रले जनाएको छ ।
मार्च महिनामा चिनियाँ परराष्ट्रमन्त्री वाङ यी नेपाल भ्रमणमा आएका बेला खड्कालाई चीन भ्रमणको निम्तो दिएकोले खड्का चीन प्रस्थान गरेका हुन् । चीनको यो भ्रमण नेपालको निम्ति चुनौतीपूर्ण हुने परराष्ट्रविदहरुको ठम्याई छ ।
