- २७ भाद्र २०८३, शनिबार / Sep 12, 2026
काठमाडौं । गैरआवासीय नेपाली संघ (एनआरएनए) को दशौं अन्तर्राष्ट्रिय सम्मेलन एवं महाधिवेशनमा राष्ट्रपति विद्यादेवी भण्डारी र प्रधानमन्त्री शेरबहादुर देउवा सहभागी हुने भएका छन् ।
शनिबारदेखि ललितपुरस्थित होटल हिमालयमा हुने सम्मेलनमा परराष्ट्रमन्त्री नारायण खड्का समेत सहभागी हुने बताइएको छ ।
सम्मेलनलाई संघका पूर्वअध्यक्ष डा. उपेन्द्र महतो, जीवा लामिछाने, भवन भट्ट, शेष घले र देवमान हिराचनलगायतले सम्बोधन गर्ने कार्यक्रम छ ।
घलेले छुट्टै सम्मेलनको आयोजना गरेर समिति घोषणा गरेका कारण सम्मेलनमा भाग लिने सम्भावना भने न्यून रहेको बताइको छ ।
दुई दिनसम्म चल्ले सो सम्मेलनमा संघका महासचिव डा. हेमराज शर्माले वार्षिक प्रतिवेदन र कोषाध्यक्ष महेश श्रेष्ठले आर्थिक प्रतिवेदन प्रस्तुत गर्ने छन् ।
संघको नेतृत्वको लागि भएको विवादलाई अन्त्य गर्न बहुअध्यक्षीय प्रणालीको लागि महाधिवेशनमा विधान संशोधन गर्ने तयारीमा एनआरएनए लागेको छ ।
