- ३१ जेष्ठ २०८३, आईतवार / Jun 14, 2026
काठमाडौं । स्थानीय तह निर्वाचनका लागि ५ महानगरपालिका र ९ उपमहानगरपालिकामा नेकपा एमालेले मेयरको उम्मेदवार टुंगो लगाएको छ । ती महानगर तथा उपमहानगरपालिकामा अधिकांश स्थानको उपमेयरको टुंगो लागेको छ ।
शनिबार साँझ एमाले अध्यक्ष केपी शर्मा ओलीको निवास बालकोटमा बसेको सचिवालय बैठकले सकसकैबीच मेयर तथा उपमेयरको उम्मेदवार टुंगो लगाएको हो ।
एमालेको निर्णयानुसार
.धनगढी उपमहानगरमा रणबहादुर चन्दलाई मेयर र चन्द्रकला रानाथारुलाई उपमेयरको उम्मेदवार बनाउने निर्णय भएको छ ।
.नेपालगन्ज उपमहानगरपालिकामा पशुपति दयाल मिश्रलाई मेयर र शान्तिदेवी ढकाललाई उपमेयरको उम्मेदवार बनाउने निर्णय भएको छ ।
. तुल्सीपुरमा टीकाराम खड्कालाई मेयर र स्यानी चौधरीलाई उपमेयरको उम्मेदवार बनाउने निर्णय भएको छ ।
. घोराहीमा नोरुलाल चौधरीलाई मेयर र हुमाकुमारी बिसीलाई उपमेयरको उम्मेदवार बनाउने निर्णय भएको ।
. बुटवलमा बाबुराम भट्टराईलाई मेयर र सावित्रादेवी अर्याललाई उपमेयरको उम्मेदवार बनाइएको छ ।
. हेटौँडा अनन्त पौडेललाई मेयर र सुमित्रा काफ्लेलाई उपमेयरको उम्मेदवार बनाइएको छ।
.धरानमा मञ्जु भण्डारीलाई मेयर तथा पदम लिम्बुलाई उपमेयरको उम्मेदवार बनाइँदा इटहरीमा यमकुमार सुब्बालाई मेयर र संगीता चौधरीलाई उपमेयरको उम्मेदवार बनाइएको छ ।
. कलैयामा बिनोद शाह मेयरको उम्मेदवार बन्दा उपमेयर टुंग्याउन बाँकी छ ।
. जनकपुर उपमहानगरपालिका र जीतपुर सिमरा उपमहानगरपालिकामा मेयर तथा उपमेयरको उम्मेदवार टुंगो लगाउन बाँकी रहेको छ ।
महानगरमा को ?
पोखरा महानगरपालिकामा दीपक पौडेललाई मेयर र उपमेयरमा मञ्जुदेवी गुरुङलाई टिकट दिने निर्णय भएको छ ।
. वीरगन्ज नगरपालिकामा विजय सरावगीलाई मेयर बनाउने निर्णय भएको छ भने उपप्रमुखको टुंगो लगाउन बाँकी छ ।
. भरतपुरमा विजय सुवेदीलाई मेयरको उम्मेदवार बनाउने निर्णय भएको छ भने उपमेयरको टुंगो लाग्न बाँकी छ ।
. ललितपुर महानगरपालिकामा हरिकृष्ण व्यञ्जनकारलाई मेयर र मञ्जली शाक्य बज्राचार्यलाई उपमेयरको उम्मेदवार बनाउने निर्णय भएको छ ।
. काठमाडौंमा मेयरको उम्मेदवार केशव स्थापित र सुनिता डंगोल उपमेयरको उम्मेदवार रहेकी छन् ।
. विराटनगरमा मेयर तथा उपमेयरको उम्मेदवार टुंगो बाँकी छ । देशभर ६ महानगरपालिका र ११ उपमहानगरपालिका रहेका छन् । ती महानगर तथा उपमहानगरपालिकाको चुनावी प्रतिस्पर्धालाई चासोका साथ हेरिएको छ ।
