कैलाश हेलिकोप्टरले काेराेना बिरामीको उद्धार गर्ने

काठमाडौं । कैलाश हेलिकोप्टरले कोरोना संक्रमित बिरामीको उद्धार गर्ने अनुमति पाएको छ । स्वास्थ्य तथा जनसंख्या मन्त्रालय तथा विश्व स्वास्थ्य संगठनको नीति–निर्देशन पालना गरी कैलाश हेलिकोप्टरले उद्धार अनुमति प्राप्त गरेको हो ।

उद्धारमा प्रतिष्ठित अस्पतालको विज्ञ टोली, कोभिड बिरामी बोक्न आइएसओ मान्यताप्राप्त कम्पनीद्वारा निर्मित प्यासेन्ट आइसोलेट युनिट (पिआइयू) तथा आवश्यक स्वास्थ्य सामग्री तयारीका साथ रहने कम्पनीका प्रबन्ध सञ्चालक प्रतापजंग पाण्डेले जानकारी दिए ।

कम्पनीको हेलिकोप्टरले विगतदेखि नै अन्य अशक्त बिरामीको उद्धार गर्दै आएको थियो ।